வானிலை அறிக்கை

கண்ணோடு கண் பார்த்தால்
மூளைக்குள் அடிக்கிறது
மின்னல்!

சற்றே விலகி சென்றால்
இதயத்தில் இடிக்கிறது
இடி!

நெருங்கி வந்து நின்றால்
உடலெங்கும் வியர்வை
மழை!

கொஞ்சம் சிரித்துப் பேசினால்
எண்ணங்கள் சுழன்று
சூறாவளி!

பருவ நிலைகளை காட்டும்
வானிலை அறிக்கை
அவள்!



Tweet

சந்திராயனும் உள்ளூர் கிழவியும்

நிலவில் நீர் சந்திராயன் கண்டுபிடிப்பு சத்தமாய் பேப்பர் படித்தவனிடம் அப்பாவியாய் கேட்டது உள்ளூர் கிழவி "அப்போ நம்மூருக்கு சீக்கிரம் நல்ல தண்ணி பைப்பு வந்திருமா கண்ணு?"

உனக்கு இதே வேலையா போச்சு கெழவி போன வாரம் நதிகளை இணைக்குராங்கன்னு படிச்சப்பவும் இதே கேள்விய தான் கேட்ட இப்பவும் அதே கேள்விய கேக்குற போ கெழவி போயி வேலைய பாரு.

என்னமோ போ கண்ணு வெள்ளக்காரன் இருக்கறப்பவே வந்திரும்னு சொன்னங்க அதுக்கப்புறம் யார் யாரோ வந்துட்டு போயாச்சு, எனக்கு கொள்ளு பேரனும் வந்தாச்சு நல்ல தண்ணி பைப்பு இன்னும் வரல!

டெக்னாலஜி என்னமா வளந்திருக்கு இன்னும் பைப்பு வரல பருப்பு வரலைன்னு...அண்ணே ஒரு டீ ஒரு கிங்க்ஸ் அப்படியே ஒரு பாண் பராக் எவ்வளவு ஆச்சு? கேட்டுவிட்டு சில்லறையை துளவினான் இன்றைய இளைஞன்!



Tweet

என்ன நீ இன்னும் எந்திரன் பார்கலியா?

"இந்த செமஸ்டர்ளையும் மேக்ஸ்ல பெயிலா?" ஆறு மாசத்துக்கு ஒருக்கா செமஸ்டர் ரிசல்ட் வரும்போது எங்கப்பா கேக்குற கேள்வி. இந்த கேள்வி அப்படியே என் காதுக்குள்ள போயி வயித்த ரீச் ஆகி அங்க இருந்து ஒரு எரிச்சல் கலந்த கோபம் கெளம்பி மேல வந்து கண்ணு வழியா ரிலீஸ் ஆகும். "மொன்ன ரோசதுக்கு ஒன்னும் கொறச்சல் இல்ல அடுத்த செமஸ்டர்லயாவது பாஸ் பண்ணுடா" சொல்லிட்டு போயிட்டே இருப்பாரு எங்கப்பா. எப்படியோ போராடி டிகிரி வாங்கி பல வருஷம் ஆச்சுன்னு வெய்ங்க.

எங்கப்பா கேக்குற அந்த கேள்விய தவிர வேற எந்த கேள்விக்கும் எனக்கு கோவம் வந்ததும் இல்ல வர்றதும் இல்லை. ஆனா அதை விட ரெண்டு மடங்கு கோபம் எனக்கு சமீபத்துல வந்துச்சு.  நண்பன் ஒருத்தன் நான் என்னவோ தேச துரோக குற்றம் செஞ்ச மாறி கேட்டான் "என்ன நீ இன்னும் எந்திரன் பார்கலியா?". அவன் கேட்ட விதம் எங்கப்பா கேக்குறத விட, சன் டிவில டிரைலர் போட்டு குடுக்கற டார்ச்சர விட கொடுமையா இருந்துச்சு. தொண்டை வரைக்கு வந்த ஒரு கெட்ட வார்த்தைய ரிட்டன் உள்ள அனுப்பீட்டு "இல்லடா இன்னும் பார்கல"ன்னு சொன்னேன். சனிக் கிழமை நான் பாட்டுக்கு எதாவது வார்த்தை பேசி, கடுப்பேத்திட்டடா வா சரக்கடிக்க போலாம்னு கூப்டுடான்னா... வேண்டாம்டா சாமி அடக்கியே வாசிப்போம்னு கமுக்கமாயிட்டேன். 

"இன்னைக்கு நைட்சோ போறேன் வர்றியாடா"ன்னு கேட்டான்... ஆஹா சனிக்கிழம ஏழரை விடாது போல இருக்குன்னு நெனச்சிட்டு, "டேய் நீ தான் ரிலீஸ் ஆன அன்னிக்கே முந்நூறு ரூபா குடுத்து பாத்தீலடா?"ன்னு நான் கேட்க, அவன் "இந்த மாறி ஒரு படம் இனிமே வருமான்னு தெரியல இந்த படத்த இன்னொரு தடவ தியேட்டர்ல பார்க்குறது தப்பே இல்லைடா. உனக்கும் சேர்த்து நானே டிக்கெட் எடுக்கறேன் போலாமா?"ன்னு கேட்டான்.

"டேய் நம்ம காலேஜ் படிக்கறப்போ புக்கு வாங்குனா காசு வீனா போகும்னு ஜெராக்ஸ் எடுத்து படிப்பியே அவனா நீ?"

"டேய் மச்சி படம் அந்த அளவுக்கு வொர்த்துடா... வர்றிய இல்லையா?"

"வரலன்னு சொன்னா விடவா போறே சரி போலாம்."

ஏற்கனவே இந்த படத்த தேவையான அளவுக்கு டிரைலர், விமர்சன பதிவுகள், படம் பாத்தவங்க சொன்ன கதைன்னு அலசிட்டதுனால அடுத்த படத்த தியேட்டர்ல பாத்துட்டு இந்த படத்த டிவில போடறப்போ பார்க்கலாம்னு இருந்தேன். ஒருத்தன் ஓசில டிக்கட் எடுத்து கூட்டிட்டு போறான் நமக்கு வேற முக்கியமான வேலையும் இல்ல... சரி போயி நம்ம மேல விழுந்த தேச துரோக கரைய போக்கிட்டு வரலாம்னு முடிவு செஞ்சேன்.

சும்மா சொல்லக்கூடாதுங்க படம் இத்தன தியேட்டர்ல ஓடியும் கூட்டம் இன்னும் வருது. ரொம்ப நாளைக்கு அப்புறம் தியேட்டர்ல சிறுசு பெருசு பொண்டு பொடுசுன்னு குடும்பத்தோட படம் பார்க்க மக்கள் வர்றாங்க. உள்ள போயாச்சு படமும் பாத்தாச்சு படம் நல்லா தான் இருந்துச்சு இன்னும் கொஞ்சம் நல்லா எடுதிருக்கலமோன்னு தோணுது...ம்ம்ம்ம் பதிவு எழுதறவன் என்ன வேணும்னாலும் எழுதலாம் பணம் போட்டு படம் எடுக்கரவனுக்கு தான் அதுல இருக்கற பிரச்சினை தெரியும். ஆனா வண்டி பார்கிங்ளையும் கான்டீன்ளையும் காச கொள்ளை அடிக்கிறாங்க. ஒரு நாலஞ்சு பேரு குடம்பத்தோட போயி படம் பார்க்கணும்னா கொறஞ்சது அறநூறு எழுநூறு ரூபாயாவது ஆகும். தப்புன்னு தெரிஞ்சும் மக்கள் ஏன் திருட்டு விசிடிய ஆதரிக்கராங்கன்னு இப்ப தான் புரியுது.

இது ரஜினி படம் மாறி இல்ல ஏன்னா கொஞ்சம் கூட மசாலாவோ அனல் பறக்கும் பஞ்ச் டயலாக்கோ இல்லை. சங்கர் படம் மாறியும் இல்ல ஏன்னா ஜென்டில் மேன், இந்தியன், முதல்வன் அளவுக்கு படம் பார்த்துட்டு வெளிய வரும்போது ஒரு வெயிட் இல்லை. தமிழ் சினிமாவோட கிராபிக்ஸ்சின் அடுத்த கட்டம்னு வேணும்னா சொல்லலாம். கிராபிக்ஸ ஒதுக்கி வெச்சுட்டு பார்த்தம்னா பெருசா ஒன்னும் இல்லை. நம்ம ரஹ்மான் குடுத்த வேலையா கம்மியாவும் போகாம எச்சாவும் போகாம கரெக்டா செஞ்சிருக்காரு. அயிசக்கா அழகா இருக்காங்கன்னு நான் சொல்லி தெரிய வேண்டியது இல்ல ஆனா அவங்க வயசு இப்போ முகத்துல தெரிய ஆரம்பிச்சிருச்சு.

பெரியவங்கள விட பொடுசுகளுக்கு இந்த படம் கண்டிப்பா அதிகமா புடிச்சு இருக்குங்கரதுல சந்தேகமே இல்ல. படத்துல ரத்தம் சொட்டுர வெட்டு குத்தோ, பி கிரேடு படத்துல வர்ற மாதிரியான காதல் காட்சிகளோ இல்ல, தைரியமா குடும்பத்தோட போயி காசு குடுத்து தியேட்டர்ல பார்க்க வேண்டிய படம் தான். என்ன சன் டிவி பண்ற ஓவர் பிரமோசன் என்ன மாறி நெறைய பேர கடுப்பு ஏத்தி இந்த படத்து மேல ஒரு ஈடுபாடு இல்லாம பண்ணிருச்சு. இது கண்டிப்பா சினிமாவ நல்லா கொண்டு போற வழி கெடயாது. 

Tweet

சினிமா நாத்திகன்

பூஜை புனஸ்காரங்களை நம்பாதவன்
கடவுள் வழிபாட்டை நம்பாதவன்
கடுவுளை நம்பாதவன்
சாதா நாத்திகன்!

கட் அவுட் பாலாபிசேகங்களை நம்பாதவன்
குத்து வசனங்களை நம்பாதவன்
மேக்கப் போட்ட நடிகர்களை நம்பாதவன்
சினிமா நாத்திகன்!

கடவுள் இருக்கிறார் என்றான்
தூண் துரும்பு அனைத்திலும் கடவுள் என்றான்
கடவுள் உனக்குள் இருக்கிறார் என்றான்
இப்போது நான் தான் கடவுள் என்கிறான்!

படம் நூறு நாட்கள் ஓடும் என்றான்
இது தானாய் சேர்ந்த கூட்டம் என்றான்
இப்போது எனக்காக உயிரை கொடுக்க
ஒரு கூட்டம் இருக்கிறது என்கிறான்!

கூட்டம் போட்ட எல்லா சாமியார்களும்
சந்தோசமாய் இருக்க முடியாது
கூட்டம் சேர்த்த எல்லா நடிகனாலும்
ஆட்சியை பிடிக்க முடியாது!

ஆன்மீகமாக இருந்தாலும் சரி
சினிமாவாக இருந்தாலும் சரி
வீணாய் போவது நம் பணம் தான்
அளவுக்கு மிஞ்சினால் அமிர்தமும் நஞ்சு!

Tweet

இதுதான் காதலா?

தெரியாமல் காலை மிதித்ததற்கு 
தேடி வந்து  மன்னிப்பு கேட்டால் ஒருத்தி
கண்டதும் பொங்கியது காதல் எனக்கு!

கண் பார்வை இல்லாத ஒருவருக்கு
சாலையை கடக்க உதவினால் ஒருத்தி
கண்டதும் பொங்கியது காதல் எனக்கு!

கூட்டத்தில் அழுத யாரோ குழந்தையை
அள்ளி எடுத்து நகைப்பூட்டினால் ஒருத்தி
கண்டதும் பொங்கியது காதல் எனக்கு!

ஜீன்ஸ்சும் டீசர்டுமாய் பெண்கள் கூட்டம்
நடுவே தாவணியில் தெரிந்தால் ஒருத்தி
கண்டதும் பொங்கியது காதல் எனக்கு!

கொட்டும் மழையில் ஊரே ஒதுங்கி நிற்க
கைகள் நனைத்து மழையை ரசித்தால் ஒருத்தி
கண்டதும் பொங்கியது காதல் எனக்கு!

கொஞ்சம் வித்யாசமாய் எந்த பெண்
கண்ணில் பட்டாலும் மனதில் பொங்குது காதல்
இதற்கு பெயர் தான் கண்டதும் காதலா?

இல்லையே நான் தங்கத் தமிழணாச்சே
உள்ளம் பார்த்தல்லவா காதல் வர வேண்டும்
சற்று உரக்க யோசித்து ஒரு முடிவு செய்தேன்

இனிமேல் முடிந்தவரை அதிகமாய்
தமிழ் திரைப்படங்கள் பார்க்க கூடாது
எவ்வளவு மலிவாய் வருகிறது காதல்!



  Tweet

நண்பேன்டா...

நீயெல்லாம் உருப்படவே மாட்டடா
டீ ஆத்த கூட லாயக்கு இல்ல...
இது நம்ம கணக்கு வாத்தி!

உன்னெல்லாம் பெத்து வளத்ததுக்கு
ரெண்டு எரும மாட்ட வளத்திருக்கலாம்...
இது நம்ம அப்பா!

கவலை படாதடா நம்ம சச்சின் ரஜினியெல்லாம்
படிச்சு பட்டம் வாங்கியா சாதிச்சாங்க...
இது நம்ம நண்பன்!

கடைசில படிச்ச படிப்புக்கு வேலை கெடைக்கல
தெறமைக்கு தான் வேலை கெடைச்சது
இதுதான் நிதர்சன உண்மை!

இப்ப யோசிச்சு பாத்தா ஒன்னு புரியுது
உழைத்தால் மட்டுமே உயர முடியும்
படிப்பு வெறும் பக்க பலம் தான்!


Tweet

எனக்கு மட்டும் தான் இப்படி தோணுதா?

என்ன தான் ஆபீஸ் முடியற டைம் ஏழு மணினாலும் எல்லா ஒட்டு போடற வேலையும் முடிச்சு வெள்ளகாரனக்கு வெளக்கம் சொல்லிட்டு வெளிய வந்து மணிய பாத்தம்னா கொறஞ்சது ஒம்போது ஆகியிருக்கும். எனக்கு ரொம்ப நாளா ஒரு ஆசை என்னைக்காவது ஒரு நாள் சாயங்கால வெளிச்சத்துல வீட்ட பாத்துரனும்கறது தான். சரி அத விடுங்க நம்ம நேரா விசயத்துக்கு வருவோம். ஆபீஸ்ல இருந்து வீட்டுக்கு வந்ததும் சித்த நேரம் டிவிய பாத்து நம்ம சித்தத்த தெளிய வெப்போம்னு ரிமோட்ட கைல எடுத்தோம்னா அப்ப தான் அந்த கேள்வி உதயம் ஆகும் "எனக்கு மட்டும் தான் இப்படி தோணுதா?".

நம்ம டிவி பாக்குற நேரமே ஒன்பது மணியில இருந்து பத்தர பதினோரு மணி வரைக்கும் தான். அப்படியே ஒவ்வொரு சேனலா மாத்துவோம் வாங்க... மொதல்ல நியூஸ் சேனல்...தமிழ்ல நமக்கு தெரிஞ்ச ஒரே நியூஸ் சேனல் சன் நியூஸ் தான் அதுல வெட்டு, குத்து, கொலை, உல்லூர் சண்டை, விபத்துன்னு ஒரே கலவரமா இருக்கும். முடியலைடா சாமி எதாவது காமெடி பார்க்கலாம்னு ஆதித்யா சேனல் பக்கம் போனா ஊஊன்னு வடிவேலு ஊளை உட்டுட்டு இருப்பாரு இல்லேன்னா நாராசமா விவேக் ஒரு மொக்கைய போட்டுட்டு இருப்பாரு அதுவும் போட்ட காமெடி சீனே திரும்ப திரும்ப ஓடிட்டு இருக்கும். சரி பாட்டாவது கேப்போம்னு சன் மியுசிக் போட்டோம்னா பத்து மணிக்கு அதுலயும் காமெடி தான் ஓடிட்டு இருக்கும்.

சன், விஜய், ஜெயான்னு எல்லா சேனல்லையும் நிஜம், நடந்தது என்ன, மர்மம், மண்ணாங்கட்டின்னு ஏதோ ஒரு பேர்ல இந்த வீட்ல பேய் இருக்கு, கள்ளக் காதல், கொலை, மரத்துல பால் வடியுது, சரக்கு போட்டு குறி சொல்லும் சாமியார்னு ஒரே கலீஜா இருக்கும். சரி இப்ப தான் டிஸ்கவரி சேனல் தமிழ்ல ஓடுதேன்னு அதுக்கு மாத்துனம்னா அதுல 'நீங்க இந்த பாலை வனத்துல உயிர் பிழைக்கனும்னா எது கெடச்சாலும் சாப்பிடனும்.. இந்த பாம்ப அப்படியே பச்சையா சாப்பிடலாம்'னு ஒரு பாம்ப பச்சையா சப்டுவான். அத பாத்த வடிவேல் சொல்லறது தான் ஞாபகம் வரும் 'நாங்க ஏன்டா நடு ராத்திரில சுடுகாட்டுக்கு போகணும்?'.


இல்லேன்னா destroyed  in seconds அப்படின்னு ஒரு விமானம் வெடிக்கரதயோ, ஒரு ஆளு தலை குப்புற விழுந்து ரத்தம் கொட்ட்ரதயோ, ஒரு பெட்ரோல் கிடங்கு வெடிச்சு செதர்ரதயோ காட்டுவாங்க. பத்து மணிக்கு தான் இந்த பிரச்சினை ஒரு எட்டரை ஒம்போது மணிக்கு எதாவது உருபடிய போட்ரங்கலான்னு பாத்தா இல்லை. எல்லா சேனல்லையும் ஒன்னா பாட்டு போட்டி நடக்குது இல்லன்னா குத்தாட்ட போட்டி நடக்குது. அதுவும் சமீபத்துல நான் பார்குறப்போ நேத்து ராத்திரி எம்மான்னு ஒரு பய்யன் பாடிட்டு இருக்கான் அடுத்த சேனல்ல வாவ் உங்க ரெண்டு பேருக்கும் கெமிஸ்ட்ரி சூப்பரா ஒர்க்கவுட் ஆகுதுன்னு ஒரு நடுவர் ஆண்ட்டி சொல்லுது.

சரி அதுக்கும் முன்னாடி டிவில வேற என்ன ஓடுதுன்னா சீரியல். சில நாள் மதியம் சாப்பிட வீட்டுக்கு போவேன் அப்போ ஒரு சீரியல் ஓடிட்டு இருக்கும் அதே சீரியல அடுத்த மாசம் மத்யானம் பாத்தாலும் புரியும். காலைல பதினொரு மணியில இருந்து ராத்திரி பதினோரு மணி வரைக்கும் சீரியல் போடறாங்க எல்லா சீரியளோட மய்யக் கதையும் சொத்து தகராறு, மாமியார் மருமக சண்டை, கள்ளக் காதல், பழிக்குப் பழின்னு செம்ம சீரியஸ்சா போயிட்டு இருக்கும். அதுவும் இடி இடிக்கற மாறி ஒரு மியூசிக் டமார் டமார்னு ஒரு மியூசிக்குன்னு ஒரே கொடூர சத்தங்களா இருக்கும். அத பாக்குரவங்களுக்கு கண்டிப்பா ரத்த கொதிப்பு வந்துடும். அட கார்டூன் சேனலாவது பார்க்கலாம்னா அதுலயும் சண்டை காட்சிகள் நிறைந்த முற்றிலும் மாறுபட்ட ஒன்ன ஓட்டிட்டு இருகாங்க இதுக்கு சீரியலே தேவல. நீயா நானான்னு ஒரே ஒரு நல்ல ப்ரோக்ராம் இருந்துச்சு அதுவும் வர வர மொக்கை ஆகுது.

எப்பவுமே நாம தூங்க போகும்போது மனசு லேசா இருக்கணும் அப்ப தான் தூங்கி எந்திரிக்கும் போது மனசுல புத்துணர்ச்சி பொங்கும் அன்னைக்கு பொழுதும் நல்ல படியா போகும். மனசுல ஏகப்பட்ட விசயத்த போட்டு ஓலப்பீட்டு தூங்க போனா கெட்ட கெட்ட கனவா வரும், நிம்மதியா தூங்க முடியாது, அப்படியே நாம தூங்கி எந்திரிச்சாலும் மனசு பாரமா இருக்கும் நமக்கே தெரியாம ஒரு பய உணர்ச்சி மனசுல இருந்துட்டே இருக்கும். அதனால தூங்க போரக்கு முன்னாடி தயவு செஞ்சு இந்த வெட்டி டிவி-கல பாக்காம போயி தூங்குங்க. முடிஞ்சா ஒரு நல்ல ஆக்க சக்திய என்னத்த குடுக்கற மாறி புத்தகம் எதாவது படிங்க இல்லன்ன வீட்ல குழந்தைகளோ வயசானவங்களோ 

இருந்தா அவங்க கிட்ட மனசு விட்டு பேசுங்க கண்டிப்பா உங்க மனசும் லேசாகும்.

ஏன்டா ஒரு மனுஷன் டிவி பார்குறதே இருக்கற பிரச்சனைய மறந்து கொஞ்சம் பொழுத நல்ல படியா போக்குறதுக்கு தான். நீங்க போடற ப்ரோகிராம பாத்தா சந்தோசமா இருக்கரவன் கடுப்பு ஆகிடுவான், சும்மா இருக்கறவனுக்கு ரத்தம் கொதிக்க ஆரம்பிச்சிடும். இந்த கொடுமைக்கு தான் டிவி பார்க்குறது விட்டுட்டு blog படிக்கவும் எழுதவும் ஆரம்பிச்சிட்டேன்! இப்ப சொல்லுங்க மக்களே "எனக்கு மட்டும் தான் இப்படி தோணுதா?".

Tweet

தமிழை வளர்ப்பது எப்படி?

பேரன்பு கொண்ட தமிழ் மக்களே! இன்று ஆங்கிலேயன் போன பிறகும் அவன் மொழி நம் தாய் தமிழை அழித்துக் கொண்டிருகிறது. நாம் உடனே எங்கும் தமிழ் எதிலும் தமிழ் என்பதை பின்பற்றுவோம் இனிமேல் தமிழிலேயே பெயர்கள் வைப்போம், தமிழிலேயே எழுதுவோம், அந்நிய மொழிகளை தவிர்ப்போம். செம்மொழியான தமிழ் மொழியை இப் பூலோகம் முழுதும் பரப்புவோம்... பரப்பி? முடியலைடா சாமி....

நம்ம முக்கியமா புரிஞ்சிக்க வேண்டிய விஷயங்கள் மூணு:

1. மொழியோட முதல் பயன்பாடு பேச்சு

ஒரு மொழி முதன்மயாவும் அதிகமாவும் எங்க உபயோக படுதுன்னு பாத்தீங்கண்ணா பேசரக்கு தான். நீங்க செந்தமிழ்ல பதிவு எழுதரனாலையோ இல்ல தொல்காப்பியம், சீவக சிந்தாமணி, புறநானூறுன்னு படிகறதுனலையோ மட்டும் தமிழ் வளந்துரபோறது இல்லை. நீங்க யார் கிட்ட பேசுனாலும் அவங்களுக்கும் தமிழ் தெரிஞ்சா, அவங்க கூட தமிழ்ல பேசுனாலே உங்களுக்கு புண்ணியமா போகும்.


எந்த மொழியா இருந்தாலும் அது பேச பேச தான் வளரும். எழுத்து உருவே இல்லாத மொழிகள் எவ்வளவோ இருக்கு ஆனா பேச்சு வழக்குல இல்லாம வெறும் எழுத்தா மட்டும் இருக்குற மொழிகள் ரொம்ப கம்மி. பேசப்படும் மொழி மனிதன் இருக்கற வரைக்கும் வளரும் ஆனா வெறும் எழுத்து உரு மட்டும் இருக்கற மொழி ரொம்ப நாள் தாங்காது. 


முடிஞ்ச வரைக்கும் தமிழன் அவனுக்கு தெரிஞ்ச கோயம்புத்தூர் தமிழோ, நெல்லை தமிழோ, சென்னை தமிழோ, மதுரை தமிழோ, தஞ்சை தமிழோ இல்லை ஈழ தமிழோ எதோ ஒரு தமிழ்ல பேசுனாலே தமிழ் வளரும். பிற மொழி கலப்பு இல்லாம தமிழ் பேசுறது சிரமம் தான் ஏன்னா நம்ம உபயோக படுத்துற கரண்ட், கம்ப்யூட்டர், இன்டர்நெட், ஈமெயில், கார், பைக், செல் போன், பேன், லைட்டு இது எதுக்குமே மூலம் தமிழோ தமிழனோ இல்லை. அதனால பிற நாட்டு காரன் கண்டு புடிப்போட பேர தமிழ்ல மொழி பெயர்குற வேலைய விட்டுட்டு, ஒழுங்கா மம்மி டாடிக்கு பதிலா அம்மா அப்பான்னு கூபிட்டாலே போதும்.


2. பொது ஜனத்துக்கு புடிச்சது புதுமையே
அந்த காலத்துல கவிதை கதை இதெல்லாம் தமிழ் தெரிஞ்சா மட்டும் படிச்ச்சிட முடியாது ஏன்னா  எல்லாமே வெண்பா செய்யுள் வடிவுல இருக்கும் பொது ஜனத்துக்கு புரியாது. உங்களுக்கு புரியற மாறி சொல்லணும்னா உங்களால அஞ்சாவதோ ஆறாவதோ படிக்கும் போது தமிழ் புத்தகத்துல இருக்கற செய்யுள், திருக்குறள், புறநானூறு இதெல்லாம் படிச்சா புரியாது (இப்பவும் புரியாதுங்கறது வேற விஷயம்) தமிழ் வாத்தி ஒவ்வொரு வரியா படிச்சு வெளக்கம் சொன்ன தான் புரியும். ஏனா அத நீங்க படிக்கும் போது தமிழ்னு தெரியும் ஆனா புரியாது அதுக்கு கொஞ்சம் புலமை வேணும். அதனாலேயே நெறைய பேருக்கு எப்படி கணக்கு பாடம் புடிக்காதோ அதே மாறி மனப்பாட செய்யுளும் புடிக்காது.  


இந்த அளவுக்கு கல்வி அறிவு தொழில் நுட்பமெல்லாம் இல்லாத அந்த காலத்துல பாரதியார் ஒன்னு பண்ணினாரு, அதாவது ரொம்ப சுலபமான வார்த்தைகள்ல கவிதை எழுதினாரு தமிழ் படிக்க தெரிஞ்ச ஒரு சராசரி தமிழனுக்கும் புரியற வகைல அவரோட கவிதைகள் இருந்துச்சு. அவர் கையாண்ட அந்த முறை தான் "புது கவிதை" பின்னாடி பாரதி தாசன்ல இருந்து இன்னைக்கு சினிமாக்கு பாட்டு எழுதறவங்க வரைக்கும் அந்த எளிய புதிய முறைய தான் கையாள்றாங்க.


ஒரு முக்கியமான விசயத்த நீங்க கவனிசிருந்தா புரியும் தமிழ பத்தி எந்த ஒரு தொலைகாட்சி நிகழ்ச்சி நடந்தாலும் இல்ல வெளியில எந்த நிகழ்ச்சி நடந்தாலும் நம்ம செம்மொழி மாநாடு உட்பட, அந்த மேடை வடிவமைப்பு அலங்காரங்கள் எல்லாமே நம்ம பழைய நாகரிகத்தையும் புராணங்களையும் குரிக்கற மாறி தான் இருக்கும். தெளிவா சொல்லணும்னா தமிழ்னாலே ஒரு பழமையான தொன்மையனங்கர என்னத்த தான் வரவழைக்கும். பேசுறவங்க கூட ஒரு இயல்பா தினசரி வாழ்க்கைல பேசற மாறி பேச மாட்டாங்க ஏதோ எதிர் கட்சி காரண செந்தமிழ்ல  சண்டைக்கு இழுக்கற தொனியிலேய பேசுவாங்க. குறிப்பா இந்த பேச்சு குழந்தைகளுக்கோ இளைய தலை முரயினருக்கோ சுத்தமா புடிக்காது. தமிழ் உண்மையா வளரனும்னா பழங்கதைகள் பேசாம புதுமையா எதாவது பேசணும். தமிழ் சார்ந்த நிகழ்சிகள் பழமையானங்கர எண்ணம் நீக்கப்பட்டு தமிழ் இன்னும் இளமையானதுங்கர என்னத்த வரவழைக்கணும் குறிப்பா குழந்தைகளுக்கும் இளைஞர்களுக்கும் புடிக்கற மாறி புதுமையா இருக்கணும். "மாறாதது மாற்றம் மட்டுமே"ன்னு சொல்லுவாங்க இந்த உலகத்துல எது புதுமைகள தனக்குள்ள ஏத்துகிட்டு பரிமானம் அடையுதோ அது மட்டும் தான் பிழைக்கும், இது மொழிக்கும் பொருந்தும்.


3. எளிமையே வலிமை
'எளிமையே வலிமை' இது மனிதனுக்கு மட்டும் அல்ல மொழிக்கும் தான். அறிவியல் ரீதியாக எந்த மொழி மிக எளிய சப்தங்களை (pronunciation) கொண்டு இருக்குதோ அத யார் வேணும்னாலும் சீக்கிரம் கத்துக்க முடியும் நம்ம தமிழ் அப்படி பட்ட மொழி தான் எளிமையான அதே சமயம் இனிமையான மொழி. அப்புறம் என்ன பிரச்சினைன்னு கேக்கரீங்களா... சொல்றேன். நம்மாளுக தமிழ்ல பேசறேன்னு சொல்லிட்டு பண்ற அலும்பு தாங்க முடியாது. 


தோழரே காலை உணவு அருந்தி விட்டீர்களா? உங்கள் மடிக் கணினியில் இனைய தள தொடர்பு வேலை செய்கின்றதா?


நண்பா சாபுட்டியா? உன்னோட லேப்டாப்ல நெட் வேலை செய்யுதா?


இந்த ரெண்டுல எது உங்களுக்கு எளிமைய இருக்கு? செந்தமிழ்ல பேசுனா தான் தமிழ் பேசுறதா அர்த்தமா? லேப்டாப்பும் இன்டர்நெட்டும் நம்ம கண்டு புடிக்கல அது கண்டு புடிச்சவன் வெச்ச பேரு அத எதுக்கு மொழி பெயர்த்து சொல்லணும்? இப்போ உங்க பேரு சாமியப்பன்னு வெச்சுகுங்க நீங்க அமெரிக்கா போனீங்கன்னா உங்கள சாமியப்பன்னு கூப்டுவாங்களா இல்ல Godfather-னு கூப்டுவாங்களா? நான் சொல்ல வர்றது இது தான் தமிழ வளர்கனும்னா நடைமுறை தமிழ்ல பேசுனா போதும் செந்தமிழ்ல பேசணும்ங்கர கட்டாயம் இல்ல அதே மாறி அடுத்தவன் கண்டுபுடிப்புகளுக்கு தமிழ்ல பேர மொழி பெயர்க்க வேண்டிய அவசியமும் இல்ல. ரொம்ப கஷ்ட படமா முடிஞ்ச வரைக்கும் தமிழ்ல பேசுனாலே போதும். 


அவ்வளவு தான் மக்களே!


இவ்வளவு நீளமா இருக்கற பதிவ படிக்கவே மொடயா இருக்குது நான் எங்க போயி தமிழ வளக்கறது...ஆனா எதாவது பண்ணி நாமளும் தமிழ வளக்கனும்னு நினைகரீங்களா? அப்ப ஒன்னு பண்ணுங்க உங்க குழந்தைக்கு தமிழ்னு பேரு வச்சு வளங்க... நானும் தமிழ வளர்த்தேன்னு நாளைக்கு நீங்க சொல்லிக்கலாம்!


குறிப்பு: ரொம்ப நீளமா எழுதிட்டேன்னு நெனைக்கிறேன் அடுத்த பதிவ முடிஞ்ச வரைக்கும் சுருக்கமா சொல்ல பாக்குறேன். அப்புறம் முடிஞ்ச வரைக்கும் எழுத்துப் பிழைகல சரி செஞ்சிருக்கேன் எதாவது கண்ணுல பட்டா கண்டுகாதீங்க :)

Tweet

மனம் ஒரு குரங்கு

காலை கண் விழித்ததும்
தலை வலி மண்டையை பிளந்தது
கண்கள் இரண்டும் தீ போல் எரிந்தது
வயிறு எரிந்து காதில் புகை வந்தது
ஸ்ஸப்பா இனிமேல் தொடக் கூடாது
தீர்மானமாய் முடிவு செய்தேன்.

மாலை வந்தது மந்தாரம் தெளிந்தது
ஆருயிர் நண்பன் அலை பேசியில்
"மச்சி சரக்கு அடிக்கலாம் வர்றியா?"


Tweet

கண்டவுடன் காதல்?

கண்ணை பார்த்ததும்
காதல் வருமா?
பெண்ணை பார்த்தவுடன்
கண் எங்கே தெரிகிறது?

Tweet

சர்பத் - ஓர்அறிமுகம்

பெயர்க் காரணம் 

இது ஒன்னும் ஏழு மாசமா யோசிச்சு வச்ச பேரு இல்ல, வேற பேரே கெடைக்காம வெச்சது. நானும் ஏகப்பட்ட பேரு முயற்சி பண்ணி பாத்து ஒண்ணுமே கெடைக்காம வெச்ச பேரு தான் சர்பத்! அடங்கொக்கமக்கா எனக்கு புடிச்ச எல்லா பேரையும் பதிவு பண்ணிட்டாங்க ஆனா ஒருத்தனும் அதுல பதிவே போடறது இல்ல... சரி அவன் அவன் பிரச்சினை அவன் அவனுக்கு. 

பதிவு எழுதலாம்னு முடிவு பண்ணினதுக்கு அப்புறம் பெரும் பிரச்சினையே இந்த பேரு முடிவு பண்றது தான். நமக்கு புடிச்ச பேருல யாராவது ஏற்கனவே எழுதிட்டு இருகாங்க அப்படி இல்லன பதிவு மட்டும் பண்ணி வெச்சுட்டு பொழப்ப பாக்க போயர்றாங்க. ஒரு நல்ல எளிமையான சுருக்கமான பேரு வைக்கனும்னு முடிவு பண்ணப்ப தான் இந்த "சர்பத்" டக்குனு ஞாபகம் வந்துச்சு. ஒரு டம்ளர் தண்ணி, 2 கரண்டி சர்க்கரை, பாதி எழுமிச்சம்பழம் யாரு வேணும்ன்னாலும் சுலபமா சர்பத் போற்றலாம் பெரிய வித்தையே இல்ல. நான் பதிவு எழுதலாம்னு முடிவு பண்ணினதும் அந்த மாறி தான் சுலபமான உள்ளூர் தமிழ்ல எளிமையா எனக்கு தெரிஞ்சதையும் தெரிஞ்சிக்கிட்டத்தையும் எழுதனும்னு நெனச்சேன், அது தான் இந்த சர்பத்!

நான் யார்?

என்னை பொறுத்த வரைக்கும் எழுத்துக்கு முகமோ பெயரோ தேவை இல்லை. நம்ம வானொலி கேக்கறோம் பேசறவங்க குரல் நல்லா இருக்கு, அவங்க பேர சொன்ன தெரிஞ்சிக்கறோம் இல்லேன்னா குரலை ரசிச்சிட்டு அடுத்து வர்ற பாட்ட கேட்டுட்டு போயர்றோம் 99 % வானொலி தொகுப்பாளர்களோட முகம் மக்களுக்கு தெரியறதே இல்ல குரல் நல்லா இருந்தா ரசிக்கிறோம் அவ்ளோதான். 

சில சமயத்துல நம்ம பெயரும் முகமும் நம்ம படைப்புகளுக்கு ஒரு அடையாளம் கொடுத்துருது. எப்பவுமே ஒரு படைப்புதான் என்ன பொறுத்த வரைக்கும் படைப்பாளிக்கு அடையாளம் கொடுக்கணும்.

சரி நான் யாரா இருந்தா என்ன கண்ணு... கருத்து மனசுக்கு புடிச்சிருந்த கவ்வீட்டு போக வேண்டியது தான...

பதிவெழுத காரணம்?

எல்லா மனுசனுக்கும் ஒரு வலைப்பக்கம் தொடங்கனும்னு ஆசை இருக்கும் அதுவும் குறிப்பா இனைய தளம் சார்ந்த வேலைல இருக்கறவங்களுக்கும், தினமும் இனைய தளத்தை உபயோகிகரவங்களுக்கும் கண்டிப்பா இருக்கும். ரொம்ப நாளா, சொல்லபோனா ரொம்ப வருசமா ஆரம்பிக்கணும்னு நெனச்சு இப்ப தான் முயற்சி கைகூடி இருக்கு. 

நல்லவன் ஆகுறது கஷ்டம் இல்ல ஆனா நல்லவனாவே இருக்கறது தான் கஷ்டம். பதிவு எழுதலாம்னு முடிவு பண்றது கஷ்டமா இல்ல ஆனா தொடர்ந்து எழுதறது தான் கஷ்டம், அட மறந்துட்டேன் பாருங்க நல்ல பேரு வைக்கறது ரெம்ப ரெம்ப கஷ்டம்!!

தொடர்ந்து எழுதுவேன்னு நெனைக்கிறேன் பார்போம் விடா முயற்சி விஸ்வரூப வெற்றி!

Tweet

இனிய தொடக்கம்: பத்து பொருத்தங்களுடன்!

"அடக்கம் அமரருள் உய்க்கும் அடங்காமை
ஆரிருள் உய்த்து விடும்

அதாவது அய்யன் வள்ளுவர் சிம்பிளா என்ன சொல்றாருன்னா ஓவர் பேச்சு ஒடம்புக்கு ஆகாது!

பத்தாம் தேதி, பத்தாவது மாசம், பத்தாவது வருஷம், பத்து மணி, பத்து நிமிசத்துக்கு இந்த வலை பக்கத்த (blog) ஆரம்பிக்கிறேன்... எப்படி நம்ம பத்து பொருத்தம்?

பிட்டுக்காக படம் பாக்குறவங்க ஒரு ரகம், கதைக்காக படம் பாக்குறவங்க ஒரு ரகம்.... அதே மாறி ஹிட்டுக்காக எழுதுறவங்க ஒரு ரகம், மனசு திருப்திக்காக எழுதறவங்க ஒரு ரகம்.... நான் ரெண்டுலயுமே ரெண்டாவது ரகம் :)

அடங்கொன்னியா... இவன் என்ன ஆரம்பத்துலையே குத்து வசனம் (punch dialogue) பேசுறானேன்னு நெனச்சுக்காதீங்க!

எப்படியோ உங்க வருகைக்கு நன்றி மீண்டும் வருக! 

Tweet